HOME
DER LENHART UND SEI SCHWOR
von Johann Wagner
(geb. 1872 in Kreuzstätten)

Es sin im Dorf viel gscheiti Leit,
Des is am jede klar
Un schwach im Kopf is sicher nar
Der Lenhardt und sei Schwor.
Do neilich is ne was passiert,
Des ganzi Dorf hat g'lacht,
Wie die zu zweit e altes Faß
Han wieder zammgemacht.
Paar Tag han se sich abgeploot
Die Tafle zamgeruckt.
Der Bode, der war wie verhext,
Is immer ausgerutscht.
Do saat de Schwor: "Ich stei' mol nin
Un halt vun une fescht.
Richt nar die Reef un schla se an!
So geht's am allerbescht."
's gang! Der Lenhardt peift schun
Un tanzt um's Faß grad rum,
Do dreht im Faß der Schwor mit Müh
Sich een Grad umedum.
Un aus am Spundloch steckt halt noo
Der Schwor die Finger raus
Un klaat: "Ich möcht es wisse doch,
Wie kumm ich do raus?"
Share by: